منتديات لينودايل

السلام عليكم ورحمة الله وبركاته

مرحبا بك عزيزي الزائر :

انت غير مسجل لدينا تفضل بالضغط على زر تسجيل //

لتتمكن من القراءه وارسال الرد

والاستفاده من جديد الطرح.

    قصة السكارى والريال لاتفوتكم ...

    شاطر
    avatar
    سلطان المشاعر
    admin
    admin

    عدد المساهمات : 442
    تاريخ التسجيل : 04/12/2010
    الموقع : في قلب لينودايل

    قصة السكارى والريال لاتفوتكم ...

    مُساهمة من طرف سلطان المشاعر في الأحد ديسمبر 12, 2010 3:48 am

    السلام عليكم ورحمة الله وبركاته..
    وش اخباركم شباب صبايا
    عندي لكم قصه اتمنى تعجبكم مثل ما اعجبتني
    قصه من الواقع منقوله لعيونكم حبايبي


    ((بهالفايت ( في زمن ليس ببعيد ) البعيد)) تقهوى كم واحد من الشباب واحد منهم حريص بالدعوة وشاد حيله يعني


    جاب معه أربعة شباب من ضمنهم واحد أعرفه ماأبطى مهتدي الرجال كان قريض (حبوب كبتجون ) الله لايبلانا شكله طبعاً عصل والوجه شاحب والسنون ماهناش , قلت: ياأبوفلان قال: يالبيه قلت: تلبي؟ قال: والله لو تطلب عيوني ياأبوصالح عآآآد من زين هالعيون خبركم طاف توه مهتدي قلت: أبي قصتك يوم أنت وفلان بالسوق سكارى قال: هاه؟!! قال: مابه هاه عطنيااااه قال: سم مابه فايده.


    يقول:
    هآآآآك اليوم نمشي بالسوق الصبح أنا وفلان وسكرانين بس هآآآك اليوم مزودينه حبتين , وحنا نمشي لقينا ريال طايح , يقول: قلت: لي الريال قال خويه: لا لي وبعد عرآآآآك خرجوا برأي والرأي نابع من قاعة المادة المسكرة


    يقول قلت: لخويي أعلمك منهو له الريال قال: ايه علمن ؟
    قلت: للي يجيب قصة مصلعة يعني مافيه أمل تصدق


    وبعد مناوشات أبد لا أبد أنت قال خويي مستحيل أبدأ يبي حتى يجيب كذبة مصلعة عقبه .


    بدأ المسلم ذآآآك وقال:
    سنة من السنين حاجين أنا والوالد والوالدة على ديك عندنا وحنا على ظهر الديك قالت لي أمي: ياصالح وأنا أمك رح جب لي قرعة أبطزز لبوك لايزعل .


    قلت: منين أجيب قرعة وحنا على ظهر هالديك ؟؟


    قالت: ياوليدي شف بشكة الديك به نخلة تطلع قرع دوك الكر أرق عليه وجب لي قريعة وأنا أمك
    فقال ملبياً : سمي يمه وقمز وأخذ السكين وشمر عن ساعديه ورقى النخلة


    فعلاً كما ذكرت أمه لقد أطلعت النخلة قرع ياسبحان الخالق


    يوم جاء يضرب قمع القرعة بالسكين أخطأ وضرب القرعة نفسه يوم دخلت السكين بوسط القرعة فحزن لأن السكين ماعندهم غيره


    وبعد تفكير بالحيل خرج بفكرة


    قال خل أدخل مع مدخال السكين بوسط القرعة وأجيب السكين مهب ضايعة .


    وأدعس راسه مع مدخال السكين وبدأ يفرفر بهالجسم النحيل لمين دخل .


    يقول : يوم دخلت القرعة انهبلت ماشاء الله تهبل وأتلفت للسكين ماحولك أحد قلت: خل أدور القرعة كله مهب ضايعة السكين .


    وبينما هو يتمشى ويبحث عن السكين شاف بدوا متجهين لمه .


    قالوا: ياولد ماعينت أباعر غاديه هنيا ؟؟


    قلت لا والله مير أنتم ياعرب ماعينتوا سكين بهذا ؟


    قالوا مالك لوا ...


    فقاطعه رفيقي قال: بس لاتكمل وبحل الريال لك وتطلبن رياااااااااال زياده بعد ...


    اتمنى تعجبكم القصه !!!

    والي مو فاهم أي كلمه يعطيني خبر علشان اعلمه عنها ههههااي




    _________________التوفيع: ـــــــــــــــــــــــــــــــــــــــــــــــــــــــــــــــــــــــــــــــــــ
    avatar
    أصايل نجد
    عضو فعال
    عضو فعال

    عدد المساهمات : 565
    تاريخ التسجيل : 01/12/2010
    الموقع : عالمي لينودايل

    رد: قصة السكارى والريال لاتفوتكم ...

    مُساهمة من طرف أصايل نجد في الأحد ديسمبر 12, 2010 12:54 pm

    يعطيك العافيه سلطان موفق

    ينقل للقسم المناسب
    تشكرات.


    _________________التوفيع: ـــــــــــــــــــــــــــــــــــــــــــــــــــــــــــــــــــــــــــــــــــ



    ع ــآلمــي HO0O55
    avatar
    سلطان المشاعر
    admin
    admin

    عدد المساهمات : 442
    تاريخ التسجيل : 04/12/2010
    الموقع : في قلب لينودايل

    رد: قصة السكارى والريال لاتفوتكم ...

    مُساهمة من طرف سلطان المشاعر في الأحد ديسمبر 12, 2010 1:25 pm

    شغف آنثى..~ كتب:يعطيك العافيه سلطان موفق

    ينقل للقسم المناسب
    تشكرات.

    الله يعافيك شغف شرفني مرورك

    [size=24]
    وكلنا لك وتحت امرك من يدك اليمين ليدك الشمال على النقل
    [/size]


    _________________التوفيع: ـــــــــــــــــــــــــــــــــــــــــــــــــــــــــــــــــــــــــــــــــــ
    avatar
    الدلال دلع
    مشرفة منتدى عالم حواء
    مشرفة منتدى عالم حواء

    عدد المساهمات : 556
    تاريخ التسجيل : 06/02/2011
    الموقع : بوسط المواضيع

    رد: قصة السكارى والريال لاتفوتكم ...

    مُساهمة من طرف الدلال دلع في الجمعة فبراير 11, 2011 10:33 pm

    اما(مابه فايده)رهيييييييييبه وربي ضحك والله سكرانين
    مواضيعك يا سلطان المشاعر مميزه وفيها ابداع
    تقبل ودي واحترامي لك يا سلطان(ملك )المشاعر
    avatar
    ضناني الشوق
    مشرف قسم نبض القصيد وبوح الخواطر
    مشرف قسم نبض القصيد وبوح الخواطر

    عدد المساهمات : 156
    تاريخ التسجيل : 28/01/2011

    رد: قصة السكارى والريال لاتفوتكم ...

    مُساهمة من طرف ضناني الشوق في الأحد فبراير 13, 2011 12:56 pm


    يع ـطيك الع ـافيه سلطــان

    تقـبل مـروري


    _________________التوفيع: ـــــــــــــــــــــــــــــــــــــــــــــــــــــــــــــــــــــــــــــــــــ

      الوقت/التاريخ الآن هو الأربعاء ديسمبر 13, 2017 5:52 am