منتديات لينودايل

السلام عليكم ورحمة الله وبركاته

مرحبا بك عزيزي الزائر :

انت غير مسجل لدينا تفضل بالضغط على زر تسجيل //

لتتمكن من القراءه وارسال الرد

والاستفاده من جديد الطرح.

    قصة واحد من شباب الشمال اسمه خالد وبطرته اللي بغت تنفده!!

    شاطر
    avatar
    الدلال دلع
    مشرفة منتدى عالم حواء
    مشرفة منتدى عالم حواء

    عدد المساهمات : 556
    تاريخ التسجيل : 06/02/2011
    الموقع : بوسط المواضيع

    قصة واحد من شباب الشمال اسمه خالد وبطرته اللي بغت تنفده!!

    مُساهمة من طرف الدلال دلع في السبت أكتوبر 15, 2011 3:31 pm

    قصة واحد من شباب الشمال اسمه خالد وبطرته اللي بغت تنفده!!


    أعوذ بكلمات الله التامات من شر ما خلق

    هذه القصة عن الموقف الي صار لشاب من الشمال اسمه خالد ويا الين

    ... وهي منقولة ... قراءة ممتعه وأستعيذوا بالله

    هذي قصة مرعبه صارت لشاب اماراتي وهذي قصة واحد من الشباب... استوت له من 3-4 سنين... تعرفوووووووون الكل في اجازة نهاية الاسبوع يروحون العزب..خاصة الامارات الشماليه ..المهم خالد وربعه قرروا في يوم انهم يروحون العزبه ويقعدون هناك قبل لا الناس تبدا السيره للعزب...وخالد مآذي ربعه انه هو السويييييييييق..اللي لو تضيعه فالبر بيظهر وما يهمه شيء..المهم الشباب تحدووووووه انه مابيقدر يوصل العزبه من الدرب الصحراوي.. وطبعا الغرور عمى عيون خالد,وقال خالد ازيدكم من الشعر بيت اني والله اظهر من البيت الساعه1.30 بالليل..... والمسافه لين العزبه 45دقيقه...... المهم ان الشباااب حاولوا يغيروا رايه لكن منو يقول... الرياااااااال مصمم,وبالفعل ظهر من المكان اللي هو كان فيه ودققلهم تلفون وقاالهم اني توني ظاهر ........ وبعد 30دقيقه حس انه ضيع الدرب والحبيب كان يمشي على مسافه معينه من الشارع.... فكل ماشاف ليتات السياير من بعيد يعرف انه دربه صح..(والشارع مافيه اضاءه ..درب البر) بس الحين مايشوف شيء لين ما وصل بقعه معينه قام يحس انا فيه شيء يضرب السياره من تحت وشوي شوي صار من كل صوب وكان شيء يخض السياره طبعا الريال خاف بس كان يقول لين عمره انا هذا يمكن ضرب الحصى من السرعه بس عقب زاد الضرب فما طاع يوقف وكان يمشي من غير ما يعرف وين رايح المهم فجاه الباب مال السياره ينفتح وحس انه في احد يالس حذاله... ويوم لف راسه صوب الي يالس حذاله.....حصل بنت صغيره ... وقالت له غمض عينك واسمعني شو بقولك وتمت تدليه الدرب والريال من الزيغه قام يصيح ... وهي تقوله لو انت كنت تدري لو تميت على نفس الدرب شو صار لك؟؟؟؟؟ وتم يمشي ويسمع كلامها وهو مغمض عينه.. وهي تقوله لف يمين ولف يسار ... وتقوله خفف يخفف والضرب على السياره زاااااااااااد وتلفونه يرن ومن الخوف هب قادر يرد عليه او يمد ايده لين التلفون... وبعد فتره توقف الضرب وهوكان يمشي لين ماقالت له يوقف ..وفتح عيونه وحصل عمره جدام الشارع مره ثانيه .......ولف يريد يشوف البنت لقى الي حذاله عيووووووز .....وهو يقول في خاطره القاها من وين والا وين؟؟؟ من الخوف مسك الخط ولا حتى شكرها...المهم وصل عند ربعه على وجه الفجر قبل الصلاه بربع ساعه,ربعه يوم شاافوه ارتاحوا وطلع ليهم خالد ينتفظ من الخوف ودموعه مازره ويهه.....المهم دخلوه وهو يهذي وشويه طاح عليهم غشيان.........خذوه الشباب لين مطوع المسيد القريب من العزبه,,, والمطوع بدوي.....قرا عليه والله يالله قدر خالد يرمس..المهم خبرهم بالسالفه وقال المطوع انته دخلت منطقة جن والبنت الي ساعدتك من الجن المسلمين وانت لو تميت بين ايديهم ما تدري شو بيسوون فيك ......... وعقب ما ظهروا من المسيد كانت الشمس ظاهره ... ويوم راحوا يشوفوا السياره لقوا على السياره ضرباااااااااااات وحروق مكان الاماكن الي كان يسمع فيها الضربااااااااات................................... .......المهم الريال من يومها كل يوم يصلي كان يدعي لين الجنيه الي ساعدته,,,,,,,,,انشاء الله عجبتكم السااااالفه وانشاء الله تكون درسا لين الشباب الي يحبون يتحدووووون ويدخلون بعالم مب عالمهم وربنا حد النهار لين الانس والليل لين الجن والسموووووووووحه

    تقبلوني ولكم مني كل الاحترام والتقدير


    _________________التوفيع: ـــــــــــــــــــــــــــــــــــــــــــــــــــــــــــــــــــــــــــــــــــ


      الوقت/التاريخ الآن هو الأربعاء ديسمبر 13, 2017 5:55 am