الرئيسية
من طرف لعنبو قصة غرام كل ابوها كلمتين
ابتدينا عند احبك وانتهينا عند باي
تونا ما مشينا في الهوى خطوتين
وانتهى الموضوع كله حتى ما اعرف وش خطاي
وانتهت قصة حياتي بكل سهوله تحكمين
وين أحبك ؟ وين أريدك ؟ وين ساكن في حشاي
يمكن انك وفيتي يوم جيتي تعشقين
ويمكن انك تحسبيني بتبعك من دون راي
ويمكن اصلا ما عشقتي بس كنتي تلعبين
ويمكن انك ما وصلتي في هواك لمستواي
ويمكن اني ما عرفتك في الحقيقه وش تبين
ويمكن اني خنت نفسي يوم اعطيتك وفاي
علميني في الهوى يا جاهله وش تعرفين
تعرفين انك غديتي شي يجري في دماي
علميني في العطاء والتضحية وش تفهمين
لعنبو حبك عشانك بعت اقرب اقرباي
كنت أحطك في عيوني تسرحين وتمرحين
كنت اشيل هموم قلبك وارمي همومي وراي
كنت أطير من السعادة يوم أشوفك تضحكين
كنت ذايب في هواكي مثل سكر وسط ماي
كنت نايم فالعسل وارسم من الفرحة سنين
كنت أظنك قلب عاشق ما سكن وسطه سواي
ما وعيت الا وانتي في خفوقي تطعنين
ما وعيت الا وسيفك بالحشا رايح وجاي
وردة ايه ورده بس عرفتي تجرحين
كل شي فيني جريح الا فخامة كبرياي
ما تأثرت بغيابك وايش يعني دمعتين
بكره انسى صدقيني وارجع بكامل قواي
ادري ان حنا افترقنا بس ابفهم حاجتين
علميني وش كسبتي وعلميني وش خطاي
أصلا الموضوع كله ما تعدى كلمتين
التقينا عند احبك... وافترقنا عند (باي)
